Falanqeynta Kulanka Xiisaha Iyo Xamaasada Leh Ee Premier League Ee Arsenal v Tottenham

Szczesny Sagna, Mertesacker, Koscielny, Vermaelen Arteta, Wilshere, Cazorla  Walcott, Giroud, Podolski

TOTTENHAM   Friedel Walker, Gallas, Caulker, Vertonghen Lennon, Huddlestone, Sandro, Bale Dempsey Adebayor

Kulanka North London derby ayaan ku soo aadin xilli fiican, iyadoo labada kooxoodba iyo tababarayaashooda uu saaran yahay cadaadis, madaama aysan horyaalka ku bilaaban sidii la filayay.

AVB iyo Arsene Wenger mid kastaawaa uu qiray in kulankaan uu muhim u yahay islamarkaana inay dhibcaha helaan ay lama huraan tahay.

Arsenal ayaa u muuqata mid dib ugu soo yeeran doonta goolhaye Wojciech Szczesny ka dib markii uu labo bilood dhaawac canqowga la maqnaa.

Jack Wilshere ayaa diyaar ah ka dib markii uu ka soo laabtay ganaax, laakiin Bacary Sagna, Olivier Giroud, Theo Walcott iyo Mikel Arteta ayaa Wenger uu sheegay inay shaki ku jiraan inay ciyaari karaan.

Tottenham waxaa weli ka maqan Mousa Dembele, kaasoo dhaawac sinta ah weli la dhibtoonaya.

Jermain Defoe, Kyle Walker iyo Aaron Lennon ayaa dhamaantooda dhaawacyo ay soo gaareen isbuucii hore laakiin waxaa la filayaa inay kulankaan taam u noqdaan.

MA OGTAHAY?

• Kulankii ugu danbeeyay ee labada kooxood ee ka dhacay Emirates ee Premier League waxa uu ku dhamaaday 5-2 oo ay ku badisay Arsenal, inkastoo Spurs ay 2-0 ku hogaamineysay.

• Shantii kulan ee ugu danbeysay ee ay labada kooxood ku ciyaaraan garoonka Arsenal waxaa lagu dhaliyay 26 gool, 16 oo ay dhalisay Gunners iyo 10 ay dhalisay Spurs.

• Kulankii ugu horeeyay ee dhameystirnaa ee dhex maray labadan kooxood waxaa 1-0 ku badisay Arsenal oo marti loo ahaa 1909.

• Gunners ayaa hal kulan kaliya shabaqa ilaashatay 14kii kulan ee u danbeysay.

• Arsenal ayaa garoonkeeda kaga badisay Spurs 28 kulan, halka Spurs ay 18 jeer ay iyadana dhibco ku qaadatay garoonka Arsenal.

• Tottenham ayaa hal guul u jirta guushoodii 300aad ee Premier League.

• Ciyaaryahanadii Arseal ee goolasha ugu badan ka dhaliyay Tottenham waxa ay ahaayeen  Alan Sunderland, Robert Pires iyo Emmanuel Adebayor  oo min sideed gool ka dhaliyay, laakiin weeraryahanka reer Togo waxa uu ka horimaanayaa maanta kooxdiisii hore.